Работилници во ОСТУ Наце Буѓони-Куманово
2035
wp-singular,post-template-default,single,single-post,postid-2035,single-format-standard,wp-theme-bridge,wp-child-theme-bridge-child,bridge-core-1.0.5,ajax_fade,page_not_loaded,,qode_grid_1300,footer_responsive_adv,qode-content-sidebar-responsive,qode-child-theme-ver-1.0.0,qode-theme-ver-18.1,qode-theme-bridge,disabled_footer_bottom,qode_header_in_grid,wpb-js-composer js-comp-ver-8.7.2,vc_responsive
 

Работилници во ОСТУ Наце Буѓони-Куманово

Работилници во ОСТУ Наце Буѓони-Куманово

Во рамки на проектот „Здрави врски – основа на ментално здравје“, на 07.05.2026 година во ОСТУ „Наце Буѓони“ – Куманово се одржаа две планирани и интерактивни работилници за ученици од прва до четврта година. Работилниците беа реализирани во две групи со цел да се овозможи поголема вклученост, отвореност и активна дискусија.

Целта на работилниците „Здрави врски – основа на ментално здравје“, беше учениците да научат како да ги препознаат карактеристиките на здравите односи, да воочат токсични модели на однесување, да разберат кога и од кого можат да побараат поддршка, како и да развијат вештини за асертивна комуникација и поставување лични граници.

Преку дискусии, презентации и практични вежби, учениците активно учествуваа, споделуваа мислења и покажаа голем интерес. Работилниците се одвиваа во поддржувачка и безбедна атмосфера, која придонесе за поголема отвореност и свесност за значењето на здравите врски во секојдневниот живот.

Работилниците ги реализираа:

Лана Крушиќ

Теодора Николовска

Лана Манасиевска

Сара Димковска

Проектот ,,Здрави врски – основа на менталното здравје” го реализира Здружение “Доверба” Куманово, со поддршка од Екуменска иницијатива жена Омиш, Хрватска.