Јавна трибина во Куманово
2072
wp-singular,post-template-default,single,single-post,postid-2072,single-format-standard,wp-theme-bridge,wp-child-theme-bridge-child,bridge-core-1.0.5,ajax_fade,page_not_loaded,,qode_grid_1300,footer_responsive_adv,qode-content-sidebar-responsive,qode-child-theme-ver-1.0.0,qode-theme-ver-18.1,qode-theme-bridge,disabled_footer_bottom,qode_header_in_grid,wpb-js-composer js-comp-ver-8.7.2,vc_responsive
 

Јавна трибина во Куманово

Јавна трибина во Куманово

Токсични врски и ментално здравје на младите во фокус на трибина во Куманово

Токсичните врски и нивно влијание врз менталното здравје на младите беа тема на денешната трибина во рамки на проектот „Здрави врски – основа за ментално здравје“, што го реализираше Здружението „Доверба“- Куманово со поддршка на Екуменска иницијатива жени од Омиш, Хрватска.

Овој проект е насочен кон зајакнување на ученички на возраст од 16 до 19 години за препознавање на токсични односи, градење самодоверба, поставување здрави лични граници и создавање односи засновани на почитување, доверба и еднаквост.

На спроведената обука во Охрид учествуваа 17 ученички, 7 професорки и претставнички на стручните служби од ОСТУ „Наце Буѓони“ и СОУ Гимназија „Гоце Делчев“. Преку врсничка едукација, работилници и презентации во наведените училишта беа опфатени повеќе од 300 ученици, родители и наставници од Куманово и Охрид.

На трибината стручни лица од областа на психологијата отворија значајна дискусија за предизвиците со кои се соочуваат младите, влијанието на токсичните врски врз нивната емоционална благосостојба и важноста од навремена психолошка поддршка.

Учесниците покажаа дека младите можат да бидат важни носители на позитивни промени, преку отворена комуникација и заедничка поддршка од семејството, училиштето и заедницата.

На трибината присуствуваа претставници на општинска администрација.