Работилница со ученици од ООУ Крсте Мисирков и Браќа Миладиновци
2408
wp-singular,post-template-default,single,single-post,postid-2408,single-format-standard,wp-theme-bridge,wp-child-theme-bridge-child,bridge-core-1.0.5,ajax_fade,page_not_loaded,,qode_grid_1300,footer_responsive_adv,qode-content-sidebar-responsive,qode-child-theme-ver-1.0.0,qode-theme-ver-18.1,qode-theme-bridge,disabled_footer_bottom,qode_header_in_grid,wpb-js-composer js-comp-ver-8.7.2,vc_responsive
 

Работилница со ученици од ООУ Крсте Мисирков и Браќа Миладиновци

Работилница со ученици од ООУ Крсте Мисирков и Браќа Миладиновци

На 10 и 11 септември, во рамки на проектот „Училиште без страв, училиште со глас“, беше реализирана обука за ученици од VI до IX одделение од ООУ „Крсте П. Мисирков“ и ООУ „Браќа Миладиновци“, кои се обучуваа за медијатори во училишната средина.
Обуката беше посветена на развивање вештини за мирно разрешување на конфликти, активно слушање, комуникација и медијација, со цел учениците да можат да помогнат во градењето побезбедна и поподдржувачка училишна средина.
Обуката беше многу интерактивна и практична. Преку игра на улоги, конкретни примери и симулации на ситуации од училишното секојдневие, учениците имаа можност да ги применат научените вештини и да се стават во улога на медијатори.
Со активно учество, дискусии и размена на идеи, учениците покажаа голем интерес и подготвеност да преземат активна улога во создавањето училиште во кое конфликтите се решаваат со разговор, разбирање и соработка. 💛
Проектот „Училиште без страв, училиште со глас“ е поддржан од Општина Куманово.
Најважниот чекор кон мирот е некој да знае како да ги слушне двете страни.