Здружението на граѓани „Доверба“ – Куманово е мултиетничка и непрофитна организација основана во 2001 година, посветена на унапредување на менталното здравје, ненасилната комуникација, човековите права и развојот на заедницата.

Здружението на граѓани „Доверба“ – Куманово е мултиетничка и непрофитна организација основана во 2001 година, посветена на унапредување на менталното здравје, ненасилната комуникација, човековите права и развојот на заедницата.
Повеќе од две децении работиме со деца, млади, родители, наставници, жени и ранливи категории граѓани преку едукации, психосоцијална поддршка, работилници, младински активности и проекти за меѓуетничка соработка и мирно решавање на конфликти.
Нашата мисија е да создадеме општество засновано на доверба, почит, соработка и еднакви можности за сите. Веруваме дека преку едукација, поддршка и активно учество на граѓаните можеме да придонесеме за поздраво, похумано и поинклузивно општество.
Во изминатите години реализиравме бројни локални и меѓународни проекти од областа на:
⦁ ментално здравје и психосоцијална поддршка,
⦁ ненасилна комуникација и медијација,
⦁ младинско учество и врсничка едукација,
⦁ мултикултурна соработка,
⦁ превенција од насилство,
⦁ човекови права и граѓанско учество.
Посебен фокус ставаме на младите и нивното јакнење како активни, одговорни и самоуверени членови на заедницата. Преку нашите активности поттикнуваме дијалог, толеранција, креативност и меѓусебна поддршка.
Нашата работа е поддржана од домашни и меѓународни партнери и донатори, меѓу кои: Европската Унија, UNDP, OSCE, IOM, IRC, USAID, OHCHR, Мировна Акција, МИМ, Општина Куманово, Влада на РМ, Екуменска женска иницијатива – Хрватска и други организации посветени на развојот на граѓанското општество.

Мисија на Здружение ДОВЕРБА – Куманово е: јакнење на физичко, емоционално и ментално здравје, поттикнување на почитта, довербата и комуникацијата меѓу луѓето од сите националности.
„За поздрав и похуман живот.“

⦁ Психосоцијална поддршка и ментално здравје
⦁ Младински сектор
⦁ Администрација
⦁ Комуникации и јавност
⦁ Здравствен сектор
